Inspektohen çmimet e teksteve shkollore në Podujevë (VIDEO)

Inspektorët komunalë të tregut në Podujevë, këtë të shtunë, inspektuan libraritë e qytetit, ku inspektuan çmimet e teksteve shkollore. Këto inspektime u tha se po zhvillohen me qëllim të ruajtjes së çmimeve të përcaktuara nga shtëpitë botuese dhe njëkohësisht mbrojtjen e konsumatorëve, që në këtë rast janë prindërit, raporton Klan Kosova. Drejtori i Inspeksionit, Alban Zeka, tha se do të vazhdojnë me kontrolle të tilla për të parandaluar çfarëdo abuzimi eventual që mund të shkaktohet me ngritje të çmimeve nga shitja e teksteve shkollore. https://www.youtube.com/watch?v=HF3dpo5Aj1A