Mazhoranca e jopushteti s’po i shohin me të njëjtin sy statistikat e Agjencisë së Statistikave për shuarjen e bizneseve në Kosovë, në 4 vjetët e Qeverisë Kurti.
Raporti vjetor i ASK-së, për opozitën nxori një gjendje alarmante në këtë pikë, raporton Klan Kosova.
Arben Mustafa, si koordinator për Ekonomi në Kabinetin për Qeverise të Mirë në PDK, tha numri i bizneseve aktive që ushtojnë aktivitet në Kosovë, është zvogëluar për 13 mijë e 302 biznese vetëm për vitin 2023. Kjo sipas tij, tregon gjendjen e rëndë ku ndodhet sektori privat, që sipas tij vjen si pasojë e qeverisë e cila në vazhdimësi ka mbajtur një diskurs anti sektor privat.
Por, partia në pushtet po e kundërshton këtë duke u bazuar pikërisht në të dhënat e Agjencisë së Statistikave të Kosovës.
Deputeti nga Vetëvendosje, Driton Hyseni, deklaroi se në secilin vit të qeverisjes së tyre janë nga 10 mijë e 500 deri në 11 mijë e 500 derisa numri i atyre që mbyllen varion nga 1500 deri në 1700 biznese, e krejt kjo erdhi si pasojë e masave dhe ndihmës që morën ndërmarrjet nga Qeveria e Kosovës.
E për Lidhjen e Bizneseve të Kosovës, deri të dështimi i veprimtarive erdhi si pasojë e politikave jo të mira fiskale.
Me rritjen e regjistrimit të bizneseve u krenua edhe ministri i Financave gjatë prezantimit të buxhetit 2025. /Klankosova.tv
https://www.youtube.com/watch?v=3WzBjq11kxM
●●●
GSHKRIMI NGA
G.U
Editorial nga Klan Kosova — ndjek video lajme dhe zhvillimet e tjera kryesore të vendit.
