iPhone i merr jetën një personi

Një burrë humbi jetën pasi shtëpia e tij mori zjarr nga mbinxehja e baterisë së “iPhone 5”, të cilin e kishte lënë në karikim gjatë gjithë natës. Marek Kruger, 53 vjeç, e mbante telefonin poshtë jastëkut, pasi vuante nga tumori në kokë dhe nuk mund të lëvizte. Mungesa e ventilimit përreth baterisë së telefonit kishte shkaktuar mbinxehje të saj, duke marrë kështu flakë. Bashkëshortja e të ndjerit, Iryna, tregoi gjatë një seance dëgjimore të mbajtur në bashkinë e qytetit se burri i saj e mbante telefonin gjithmonë pranë për të telefonuar kujdestarët ose fëmijët në rastet kur bëhej keq, dhe e karikonte atë me anë të një zgjatuesi, shkruan Krokodili.al. “Ai e mbante telefonin gjithmonë poshtë jastëkut, pasi ndihej i pasigurt kur nuk i kishte kujdestarët përreth dhe unë isha në punë”, shprehet ajo.