Ippon i Majlindës i dyti më i miri në "Grand Prix" në Tel Aviv (VIDEO)

Federata Ndërkombëtare e Xhudos ka përpiluar një video, ku ka përmbledhur pesë rrëzimet më të mira nga gara e Tel Avivit. Krenaria e sportit kosovar, Majlinda Kelmendi triumfoi në këtë kampionat, duke fituar të artën në kategorinë deri në 52 kilogram. 27-vjeçarja mposhti në finale kundërshtaren nga Izraeli, Gili Cohen, derisa tregoi formë fantastike përgjatë rrugëtimit deri në këtë fazë. Në përmbledhjen e përgjithshme të pesë rrëzimeve më të mira, nga të dy kategoritë – meshkuj dhe femra – Kelmendi është përfshirë me rrëzimin që i bëri rivales nga Zvicra, Fabienne Kocher në çerek-finale. Videon e më poshtme shikoni nga minuta 1:15, shkruan Federata Ndërkombëtare e Xhudos, përcjellë Klan Kosova. https://www.youtube.com/watch?v=KlpfAJ6TrN4&fbclid=IwAR1Na6K9D6_TIkGBEB4DAXF6w1IHnXg-7IIuBY6tPuG2kLnAD77_clpkHjU