Ish-ushtari i UÇK-së, Bexheti: 24 marsi ishte pikë e kthesës, pastaj erdhi dinamika tjetër e luftës (VIDEO)

Ish-ushtari i Ushtria Çlirimtare e Kosovës, Nuri Bexheti, ka folur sonte për rëndësinë historike të 24 marsit. Ai në “Edicionin Special” në Klan Kosova theksoi se kjo datë shënon një moment vendimtar, duke e cilësuar si pikë kthese për rrjedhën e luftës. Sipas tij, që nga 25 marsi e deri në përfundimin e luftës, situata ndryshoi dhe luftimet morën një dinamikë tjetër. “24 marsi është pikë e kthesës. Nga 25 marsi dhe deri kur është kryer lufta, ka qenë krejt dinamikë tjetër e luftës. Ka qenë luftë e tmerrshme në gjithë ato zonat, Malishevë, Suharekë, Rahovec, mos të flas Drenicë, ka qenë Shtimja me rrethinë, ka qenë zonë tepër intensive e përfshirë në luftë”. Në rrëfimin e tij, ai theksoi gjithashtu se barrën më të rëndë të luftës e mbajtën civilët. “Ka pasë bombardime permanente. Por, problemi më i madh ka qenë pozita e civilëve në luftë, për ushtarët s’ka qenë problem, për ushtarët ka qenë vetëm një problem, kur ushtarët janë plagosur”, tha Bexheti./Klankosova.tv https://www.youtube.com/watch?v=HdfNHBw1eSA