Izraeli pritet të miratojë marrëveshjen për armëpushim në Gaza dhe lirimin e pengjeve

Kabineti izraelit pritet të votojë brenda ditësh për marrëveshjen që do të sjellë armëpushim në Gaza dhe lirimin e pengjeve. Një zëdhënëse e qeverisë izraelite tha se armëpushimi do të hyjë në fuqi 24 orë pas miratimit të kabinetit. Mbledhja e kabinetit dhe kabinetit të sigurisë do të mbahet të enjten në orën 15:00 BST, ku pritet të miratohet plani. Faza e parë e marrëveshjes, e nënshkruar më herët sot në Egjipt, përfshin: armëpushim të plotë,  lirimin e pengjeve izraelite nga Hamasi, lirimin e qindra të burgosurve palestinezë nga Izraeli,  tërheqjen e trupave izraelite nga disa zona të Gazës, dhe hyrjen e qindra kamionëve me ndihma humanitare çdo ditë. Izraeli ka bërë të ditur se lirimi i pengjeve do të fillojë brenda 72 orëve nga nisja e armëpushimit, shkruan BBC, transmeton Klankosova.tv.