Jannik Sinner bëhet tenisti më i ri që fiton “Citi Open”

Tenisti, Jannik Sinner, ka fituar "Citi Open" në Uashington, të dielën, duke marrë kështu titullin më të madh në karrierën e tij. 19 vjeçari italian, ka mundur amerikanin, Mackenzie McDonald, për titullin e tij të tretë ATP. Sinner u bë fituesi më i ri i një eventi ATP 500 që kur kategoria u krijua në vitin 2009, shkruan BBC, përcjell Klankosova.tv "Unë nuk jam duke kërkuar nëse jam më i ri sepse rruga është e gjatë. Ka ende shumë punë për të bërë”, ka thënë Sinner. Alexander Zverev ishte fituesi i mëparshëm më i ri i ATP 500, pasi triumfoi në Uashington në vitin 2017, në moshën 20 vjeçare.