Japonia po dërgon anijen e saj luftarake JS Chokai në SHBA për t’u pajisur me raketa Tomahawk, të afta të godasin objektiva deri në 1,mijë milje (mbi 1 mijë e 600 kilometra) larg.
Ky veprim vjen në kuadër të përpjekjeve të Japonisë dhe SHBA-së për të forcuar kapacitetet ushtarake përballë kërcënimeve në rritje nga Kina dhe Koreja e Veriut.
Anija do të modifikohet dhe ekuipazhi do të trajnohet për përdorimin e këtyre raketave me rreze të gjatë, që e vendosin brenda shtrirjes territoriale të fqinjëve të Japonisë.
Zyrtarët japonezë theksojnë se raketat do të shërbejnë për mbrojtje të shpejtë dhe në distancë, por raketat kanë natyrë sulmuese dhe mund të nxisin përshkallëzim të tensioneve.
Kina ka kritikuar fort këtë vendim, duke paralajmëruar për një garë armatimi që kërcënon stabilitetin rajonal. Ndërkohë, Rusia dhe Koreja e Veriut forcojnë lidhjet ushtarake, duke shtuar shqetësimet për sigurinë në Paqësor.
Ky zhvillim shënon një hap të rëndësishëm në forcimin e kapaciteteve mbrojtëse të Japonisë, por edhe rrit rrezikun e një garë armatimi në rajon.
[caption id="attachment_2681046" align="alignnone" width="839"]

Raketa Tomahawk[/caption]
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.