Jay Leno pëson djegie të rënda pasi i shpërthen vetura në zjarr

Komiku amerikan, Jay Leno, po rikuperohet nga “djegiet serioze” pas një incidenti në shtëpinë e tij. “Kam pësuar djegie serioze nga një zjarr benzine. Jam mirë. Vetëm më nevojiten një javë apo dy që të kthehem në këmbët e mia”, ka thënë Leno përmes një deklarate dhënë Variety-së. Ish-prezantuesi i Tonight Show raportohet se i mori këto djegie teksa po punonte në garazhin e tij kur njëra prej veturave papritmas mori flakë. Atij i është djegur pjesa e majtë e fytyrës, dhe thuhet që flakët ia kanë prekur pak edhe syrin ose veshin, sipas TMZ-së.