Lajmet e fundit
Nevoja për të marrë kujdes mjekësor ka bërë që shumë njerëz të arrestohen qëllimisht në 2012-in. Shëndeti i keq dhe pamundësia për t'u kuruar, i ka çuar njerëzit të bëjnë vepra të palejueshme në mënyrë të qëllimtë, vetëm që më pas të arrestoheshin. Të paktën në burg mjekët do të kujdeseshin për jetën e tij.
Për të lënë duhanin
Një grua nga California në 2012 u arrestua pasi goditi në fytyrë një deputet. Ajo priti me orë të tëra që një deputet të dilte për ta qëlluar, duke e ditur fare mirë që më pas do të arrestohej. Pse e bëri këtë? Donte të linte cigaren! Asaj iu plotësua dëshira dhe qëndroi për plot 63 ditë në burg.
Jeta në burg është më e mirë se jeta e rrugës
Një tjetër arsye dëshpëruese i bën njerëzit të duan të arrestohen vetë. Realiteti është shumë i hidhur për njerëzit e vetmuar, që kalojnë netët rrugëve në kushte nga më skandalozet, shkruan anabel. Ka patur raste kur njerëzit kanë kërkuar të burgosen sepse të paktën në burg dikush do t'i ofrojë një sanduiç dhe një pije dhe kur është stuhi e ftohtë, do të ketë një çati mbi kokë.
Për ta provuar ç'do të thotë burg
Ka nga ata që janë kureshtarë të dinë si është jeta në burg. Ata që e provuan thanë se është më e vështirë nga ç'e kishin menduar.
Vetmia
Në Japoni të moshuarit zgjedhin të arrestohen qëllimisht vetëm sepse në burg ka njerëz dhe kështu nuk do të jenë vetëm. Gratë që nuk kishin një familje dhe asnjë të afërm, e shihnin burgun si një alternativë për t'i shpëtuar vetmisë.
"E shijoj më shumë jetën në burg. Ka më shumë njerëz rreth e rrotull dhe s'ndihem vetë. Kur dola herën e parë thashë që nuk do kthehem më, por s'rezistova dot. Më kapi nostalgjia."- u shpreh një ish-e burgosur që zgjodhi të arrestohej për t'i shpëtuar vetmisë.
