Kafka gjigante e përbindëshit prehistorik të detit zbulohet në vendin më të thatë në Tokë

Mbetjet e një prej gjigantëve më të vjetër të oqeanit janë zbuluar në një nga vendet më të thata në Tokë, ku jetoi 244 milionë vjet më parë kur zona ishte e mbuluar nga një oqean. Cymbospondylus youngorum kishte një gjatësi prej 17 metrash, nga hunda në bisht dhe peshonte më shumë se 40 tonë, duke rivalizuar balenat më të mëdha të sotme. Ai u gjet në shtetin amerikan të Nevadës, tani një nga vendet më të thata në planet. Shkencëtari Lars Schmitz, nga Departamenti i Shkencës në Kaliforni, e quajti atë një gjetje "të çuditshme", shkruan Mirror, përcjell Klankosova.tv Ichthyosaurët ishin një shumëllojshmëri zvarranikësh detarë që kishin një formë trupi që të kujtonte balenat dhe delfinët modernë. Kafka e krijesës u zbulua në shkëmbinj që datojnë rreth 246 milionë vjet më parë, gjë që do ta bënte atë vetëm rreth 3 milionë vjet më të ri se ichthyosaurët e parë, të cilët evoluuan në tokë.