Vetëm 5 kilometra larg Prizrenit, gjendet një oazë mijëravjeçare e trashëgimisë kulturore.
Kësaj radhe do kuptojmë më shumë për Kalanë e Korishës që i përket shekullit V.
Edhe pse gërmimet për zbulimin e kësaj kalaje kanë qenë të pakta, zbulimet janë të mëdha.
Brenda mureve të kalasë janë gjetur muret e një kishe paleokristiane mjaft karakteristike.
Përveç kishës, atje janë gjetur edhe artefakte të vjetra që datojnë mijëra vite më parë.
E gjithë brendësia e kësaj kalaje është ruajtur nga muret e trasha e të fortifikuara, të cilat tërësisht janë ndërtuar me gurë vendas.
Kalaja e Korishës, mbetet simbol i trashëgimisë kulturore shqiptare, që tregon lashtësinë historike që nga ilirët e deri tek shqiptarët.
https://www.youtube.com/watch?v=QxjvM6cbzPQ
●●●
EKSHKRIMI NGA
Ernata Koliqi
Editorial nga Klan Kosova — ndjek kulturë dhe zhvillimet e tjera kryesore të vendit.
