Një qytet në Kaliforni, në të cilin mijëra sorra janë bërë shqetësim publik, po kthehet në një zgjidhje të mundshme të teknologjisë së lartë me anë të laserëve.
Banorët e Sunnyvale thanë se sorrat shpesh shihen duke u grumbulluar mbi zonën e qendrës së qytetit, duke mbuluar trotuaret dhe zonat e jashtme të ndenjëseve me jashtëqitjet e tyre. Vendasit u ankuan gjithashtu se sorrat krijojnë një zhurmë të madhe gjatë natës me zërat e tyre.
"Ne konkurrojmë me Caltrain për sa i përket ndotjes akustike në zonën e qendrës së qytetit", i tha KNTV-së nënkryetarja e bashkisë, Alysa Cisneros.
Ndërkaq, kryebashkiaku Larry Klein tha se qyteti ka provuar metoda të shumta për t'i larguar zogjtë, por asnjëra nuk tregoi ndonjë sukses afatgjatë. "Kemi provuar shumë gjëra. Në të kaluarën, kemi pasur skifterë, kemi vendosur reflektorë në pemët tona dhe asgjë nuk dukej se na ndihmonte", tha Klein për KGO-TV, transmeton Klan Kosova.
Qyteti po përgatitet të nisë një program pilot për të testuar laserët e gjelbër që t’i largojnë sorrat.
“Është shumë më mirë sesa të shpenzosh qindra dollarë për t’i larë trotuaret me spërkatje disa herë gjatë javës”, shtoi Klein.
Nga ana tjetër, zyrtarët e Audubon Society thanë se janë të shqetësuar për këtë plan të ri.
"Kam shqetësime të vërteta për përdorimin e laserëve", tha Matthew Dodder, drejtor ekzekutiv i Shoqërisë Santa Clara Valley Audubon.
“Laserët mund t’i verbojnë zogjtë, që është një dënim me vdekje për zogjtë, sepse ata nuk mund të shohin, nuk mund të fluturojnë ose ushqehen siç duhet”.
https://www.youtube.com/watch?v=kbFmfvh_5aE
●●●
EVSHKRIMI NGA
E V
Editorial nga Klan Kosova — ndjek kuriozitete dhe zhvillimet e tjera kryesore të vendit.
