"Kalkulatori njeri" thyen rekordin botëror për numërimin e shkronjave në fjali

Shkathtësitë e shpejta në matematikë të një burri jordanez i dhanë atij rekordin botëror Guinness për kohën më të shpejtë për të numëruar mendërisht shkronjat në 10 fjali. Mohammad Sayaheen, 51-vjeçar, zbuloi talentin e tij për llogaritjen e shpejtë kur ishte në shkollë. "Unë e kuptova aftësinë time për të llogaritur shpejt në shkollën e mesme, pothuajse rastësisht", tha Sayaheen për Guinness World Records. "Fillimisht mendova se të gjithë fëmijët mund të bënin atë që bëj unë, derisa një mësues matematike më tha të kundërtën". Sayaheen e zhvilloi aftësinë e tij në një truk të pazakontë: llogaritjen e numrit të shkronjave në një fjali. Ai fitoi famë për aftësinë kur e tregoi atë në një episod të serialit televiziv Arabs Got Talent. Sayaheen tani ka fituar një titull të rekordeve botërore Guinness duke numëruar numrin e shkronjave në 10 fjali në 35.5 sekonda. Çdo llogaritje i merrte vetëm një ose dy sekonda, por rregullat e GWR kërkonin që ai të lexonte çdo fjali me zë të lartë përpara se të paraqiste totalin. "Unë nuk kam nevojë për ngrohje; unë mund t'i bëj menjëherë këto llogaritje pa problem", u tha Sayaheen zyrtarëve të Guinnnessit.