Craig Coley kurrë nuk duhet ti kishte kaluar 39 vjet burg. Ai u dënua për një krim që nuk e kishte bërë. 71-vjeçari u akuzua për vrasjen e Rhonda Wicht dhe djalit të saj 4-vjeçar, Donald, në vitin 1978.
39 vite më pas, Coley është shpallur i pafajshëm dhe do marrë një shpërblim prej 21 milionë dollarë.
Çështja u rihap pas kaq shumë vitesh dhe nga provat e AND-së, rezultoi se nuk ishte Colei vrasësi. Ai gjatë asaj kohe ishte në një marrëdhënie me Wicht. Gruaja u gjet e mbytur me litar. Gjithashtu edhe djali i Wicht ishte mbytur në shtratin e tij.
Ishte dëshmia e fqinjit të gruas që solli dënimin e Colei. Dëshmitari tha se pa kamionin e tij të parkuar jashtë ndërtesës së gruas dhe pa dikë që përputhej me përshkrimin e tij.
Coley u dënua me burgim të përjetshëm pa kusht.
Lufta e Coley për të përmbysur vendimin u ndihmua nga një agjent policie në Simi Valley, Mike Bender.
Fillimisht u konstatua se dëshmitari, që tha se pa kamionin e Colei nuk mund të kishte një pamje të qartë të automjetit nga dritarja e tij.
Dëshmitë bindëse për pafajësinë e tij u siguruan kur provat e AND-së të mbledhura në vendngjarje u ri-ekzaminuan.
Asnjë ADN nuk përputhej me atë të 71 vjeçarit.
Coley u konsiderua si një i burgosur model pasi studoi për një diplomë bachelor gjatë kohës që ishte në burg.
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.
