Kamerieres në Pensilvani i dhurohen tremijë dollarë bakshish

Një kameriere në një restorant në Pensilvani u befasua me një bakshish tremijë dollarë, për një faturë prej 13 dollarësh, nga një klient jashtë qytetit. Mariana Lambert tha se kohët e fundit ajo priti një klient në Alfredo's Pizza Cafe në Scranton dhe mori bakshish prej tremijë dollarësh së bashku me pagesën prej 13 dollarësh për një stromboli. Menaxheri i Alfredos, Matt Martini, tha se ai foli me klientin, Eric Smith, i cili shpjegoi se ishte nga jashtë qytetit dhe kishte lënë shpërblimin bujar si pjesë e trendit të medieve sociale "Bakshishe për Jezusin". Fraza "Bakshishe për Jezusin" ishte shkruar në faturë, përcjell Klankosova.tv "Kjo do të thoshte vërtet shumë për mua sepse të gjithë po kalojnë gjëra. Më preku vërtet zemrën. Ende nuk mund ta besoj. Jam ende në shok”, tha Lambert. Lambert tha se paratë shtesë do ta lejojnë atë të paguajë disa fatura dhe ndoshta të bëjë një pushim me familjen e saj.