Kamioni godet për vdekje këmbësoren në Prizren

Një këmbësore është goditur për vdekje nga një kamion sot, rreth orës 13:00 në Prizren, raporton Klankosova.tv Lajmi është konfirmuar për Klankosova.tv nga Policia Rajonale në Prizren. "Sipas të dhënave fillestare, në lagjen Lakuriq në Prizren, një kamion betoni, teksa ishte duke lëvizur në afësi të punishtes, nuk e ka vërejtur këmbësoren, një grua rreth 55-vjeçare, dhe e ka goditur me mjet. Shërbimi i urgjencës është njoftuar menjëherë dhe mjekët në vendngjarje kanë konstatuar vdekjen e viktimës. Policia ka dalë në vendngjarje, ndërsa i dyshuari është ndaluar në stacionin policor. Në bashkërendim me prokurorin e shtetit po ndërmerren të gjitha veprimet e domosdoshme ligjore për sqarimin e plotë të rrethanave të ngjarjes." /Klankosova.tv