Kampioni australian i sërfit u sulmua nga peshkaqeni (VIDEO)

Legjenda e sërfit Mick Fanning, ka luftuar me një peshkaqen përderisa po e zhvillonte garën në finalen e J-Bay Open në Afrikën e Jugut.

Ai është takuar me peshkaqenin të cilin e ka goditur në shpinë. 34 vjeçari, momentin kur e ka kuptuar se po një peshkaqen po vinte në drejtim të tij, e ka përshkruar si të tmerrshëm. “Po i prisja dhëmbët e tij që të më afroheshin mua”, shkruan Daily Mail, transmeton Klan Kosova. Fotografi të publikuara nga Liga Botërore e Sërfit (World Surf League – WSL), e cila e ka organizuar eventin, e tregojnë peshkaqenin duke dalë nga uji dhe momentin kur australiani Fanning e godet. Kampioni i trefishtë i botës në sërf, shihet duke u rrëzuar nga dërrasa e tij para se të arrinte që ta përdorte si mburojë kundër peshkaqenit. Më pas Fanning ëstë marrë nga një varkë shpëtimi nga ana e zyrtarëve të Ligës Botërore të Sërfit dhe është risjellë në breg.