Kanadaja heq Sirinë nga lista e shteteve të huaja që mbështesin terrorizmin

Qeveria kanadeze tha të premten se e ka hequr Sirinë nga lista e saj e shteteve të huaja që mbështesin terrorizmin dhe ka hequr Hayat Tahrir al-Sham, grupin që drejtoi aleancën rebele që ndihmoi në rrëzimin e Presidentit Bashar al-Assad, nga lista e saj e subjekteve terroriste, shkruan Reuters, transmeton Klankosova.tv. “Këto masa janë në përputhje me vendimet e fundit të marra nga aleatët tanë, përfshirë Mbretërinë e Bashkuar dhe Shtetet e Bashkuara, dhe vijnë pas përpjekjeve të qeverisë kalimtare siriane për të çuar përpara stabilitetin e Sirisë, për të ndërtuar një të ardhme gjithëpërfshirëse dhe të sigurt për qytetarët e saj dhe për të punuar së bashku me partnerët globalë për të përforcuar stabilitetin rajonal dhe për të luftuar terrorizmin”, tha qeveria kanadeze në një deklaratë.