Kanosi gruan me thikë në Fushë Kosovë, policia e liron pas arrestimit

Një burrë është arrestuar në Fushë Kosovë, nën dyshimin se kishte kanosur bashkëshorten e tij me thikë. Sipas Policisë, ne konsultim me prokurorin palët pasi janë intervistuar, viktimës i është lëshuar urdhër mbrojtës, ndërsa i dyshuari është liruar në procedurë të rregullt, transmeton Klankosova.tv. “Është arrestuar i dyshuari m/k nën dyshimin se i njëjti, pas një mosmarrëveshje me viktimën f/k-bashkëshorten e tij, të njëjtën e ka kanosur me një mjet të mprehtë-thikë. Në konsultim me prokurorin, palët pasi janë intervistuar, viktimës i është lëshuar urdhër mbrojtës, ndërsa i dyshuari  është liruar në procedurë të rregullt”, thuhet në raportin 24-orësh të policisë.