Kaos me trenat në Sidnei – shkak sëmurja e një punëtori të kompanisë

Një anëtar i vetëm i sëmurë i stafit është fajësuar për vonesat në linjat e shumta të trenave të Sidneit, duke shkaktuar kaos në transportin publik të enjten. Disa linja u pezulluan fillimisht midis orës 14:24 dhe 15:37, duke shkaktuar për pasojë ndërprerje të mëdha në pjesën më të madhe të rrjetit, raporton “The Guardian”, transmeton Klankosova.tv. Për pasojë, turma të mëdha njerëzish u grumbulluan nëpër stacione, derisa stafi u desh t’i menaxhojë platformat e mbipopulluara. Disa pasagjerë u detyruan të prisnin deri në një orë. Anëtari kryesor i stafit që nuk u paraqit në punë për shkak se njoftoi se ishte i sëmurë është një sinjalizues, i cili është një rol i rëndësishëm që u tregon, mes tjerash, drejtuesve të trenave kur një shteg është i pastër, ngjashëm me një kontrollues të trafikut ajror. “Guardian Australia” ka mësuar se anëtari i stafit ka lajmëruar në minutat e fundit se është i sëmurë, duke mos i dhënë kohë të mjaftueshme “Sydney Trains” të gjejnë një zëvendësues. “Sydney Trains” kërkoi falje për shqetësimet, duke thënë në një deklaratë se “backup-i tipik” që do të duhej të vendosej në këtë skenar “nuk ishte në dispozicion”. Ushtruesi i detyrës së sekretarit për Transportin, Howard Collins, u tha gazetarëve se u duhet më shumë se një vit për të trajnuar sinjalizuesit. Ai tha gjithashtu se ishte një kombinim faktorësh që çuan në vonesa. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS