Kaos në Doganën e Hanit të Elezit, në mungesë të energjisë shkaktohen kolona të gjata kamionësh

Në Doganën në Han të Elezit në mungesë të energjisë elektrike janë shkaktuar kolona të gjata kamionësh. Nga pamjet që kanë dërguar lexuesit për Klankosova.tv, shihet një numër i madh kamionësh që janë në pritje për hyrje në Kosovë. Siç bën të ditur lexuesi për Klankosova.tv, shoferët e Kosovës që kanë ardhur nga Turqia janë detyruar të qëndrojnë në pritje me orë të tëra pa reagime nga doganierët. Lidhur me situatën, nga Dogana e Kosovës për Klankosova.tv thanë se deri më tani nuk është raportuar asgjë. “Na skemi kurgjo që është raportuar, nuk kemi njoftim që ka telashe”, thanë nga Dogana e Kosovës. Klan Kosova kontaktoi edhe me Policinë e Kosovës lidhur me rastin, por të njëjtit nuk kishin ndonjë informacion.  / Klankosova.tv