Kapen 1.5 kilogramë drogë në autobusin e linjës Tiranë-Prishtinë

Gjatë ditës së djeshme oficerët doganor dhe ata policor kanë parandaluar futjen e një sasie të narkotikëve në pikë-kalimin e Vërmicës. "Gjatë hyrjes për në Kosovë të autobusit të linjës Tiranë – Prishtinë  oficerët doganor gjatë kontrollit të udhëtarëve dhe bagazhit të tyre hasën në dyshime tek njëri prej udhëtarëve. Pas selektimit të tij dhe kontrollës së ushtruar në bagazhet e tij u gjetën të  kamufluara me rroba në brendi katër (4) paketime me substance narkotike e llojit marihuanë". Siç bën të ditur Dogana e Kosovës, sasia e lëndës narkotike ishte saktësisht 1660 gram (1 kilogram e 660 gram) 4 qese (paketime). Lidhur me rastin është arrestuar një shtetas i Shqipërisë, transmeton Klan Kosova.