Kapet i dyshuari me 500 pula në furgon, tentoi ta kalonte ilegalisht kufirin

Një person është ndaluar nga policia, mëngjesin e së enjtes, në Dumnicë të Podujevës,  pasi me një furgon kishte kaluar ilegalisht kufirin. Sipas raportit policor, në automjetin e tij janë gjetur rreth 500 pula, transmeton Klankosova.tv. “Me vendim të prokurorit, automjeti së bashku me mallra është dërguar në terminal doganor, ndërsa i dyshuari pas intervistimit është liruar në procedurë të rregullt”, thuhet në raportin 24-orësh të policisë.