Karateisti i ri Albin Merovci i sjell medalje Kosovës

Garuesi i Ipponit ka treguar performancë mjaft të mirë, duke i sjell Kosovës medaljen e bronztë. Kryetari i Federatës së Atletikës së Kosovës (FAK), Fadil Arifi përmes profilit të tij në Facebook, ka konfirmuar suksesin e Merovcit në Kampionatin Ballkanik për fëmijë. Sipas Arifit, Kosova në këtë kampionat ka fituar gjithsejt pesë medalje. “Garues i Ipponit të Prishtinës i solli medaljen e bronztë Kosovës, nga Kampionati Ballkanik për fëmijë, në ditën e tretë të garave. Kosova fitoi gjithsejtë 5 medalje, prej tyre 2 të argjendta dhe 3 të bronzta. Është sukses i kënaqshëm i të rinjve tanë i arritur në një konkurrencë shumë të fortë, ku pjesëmarrës ishin 11 shtetet e Ballkanit”, ka shkruar Arifi.