Kartolinat me shumë dashuri nga “Down Syndrome Kosova” (VIDEO)

Dy anëtarë të “Down Syndrome Kosova”, Dionisi dhe Medina, së bashku me Riada Statovcin nga kjo shoqatë, ishin të ftuar në emisionin “Ora e Pasdites” në Klan Kosova. Riada tregoi se anëtarët e shoqatës kanë punuar gjatë gjithë vitit kartolina festive, sepse sipas saj, kërkesat më të mëdha i kanë në prag të festave. Këtë vit ata kanë shitur rreth 5000 kartolina. “Shitja e kartolinave për organizatën ‘Down Syndrome Kosova’ është një pjesë e rëndësishme, për faktin se me shitjen e kartolinave gjenerohen të ardhura për shoqatën. Çka konkretisht është që në organizatën ‘Down Syndrome Kosova’, shërbimet që marrin fëmijët dhe të rriturit, personat me sindromën down, janë pa pagesë e që ato shërbime e kanë një kosto goxha të lartë”, tha Statovci. Medina dhe Dionisi punuan kartolinat gjatë emisionit. Ata treguan se kartolinat i punojnë vullnetarët kurse këta i ndihmojnë vullnetarët. Dyshja, përveç kartolinave, treguan edhe sa simpati kanë për banorët e BBVK. Madje iu dedikuan edhe nga një kartolinë banorëve të tyre të preferuar. Për ta shikuar emisionin e plotë, klikoni tek linku i mëposhtëm: https://www.youtube.com/watch?v=eD0_3IeG3dU