Katër gra shtatzëna të shtrira në Gjinekologji dyshohet se janë me Covid-19, sonte publikohen rezultatet

Katër gra të dyshuara me Covid-19 janë të shtrira në Klinikën e Gjinekologjisë. Drejtori i Klinikës Jakup Ismajli, i tha Klanit se atyre i janë marrë mostrat dhe sonte pritet të dalin rezultatet. "Në Klinikë nuk ka raste pozitive. I kemi katër gra shtatzëna që iu janë marrë mostrat. Sonte në mbrëmje do të dalin rezultatet. Njëra nga ato ka lindur dje. Gratë janë në gjendje stabile". Ismajli tha se edhe një nga shtatzënat është duke u trajtuar në Klinikën Infektive. "Është pranuar të shtunën në mëngjes në orën 2:00. Ajo ka ardhur me temperaturë, me ethe, i kemi dhënë terapi. Kemi ftuar infektologun, kanë marrë testin, ka dalë pozitiv dhe kemi transferuar menjëherë atë natë në Klinikën Infektive. Në Infektivë është duke u trajtuar, gjendja është stabile. Asnjë simptomë nuk e ka. Sonte del rezultati, dje ka dalë negative, por për me konfirmuar që është negative duhet me pritë 24 orë. Kemi katër paciente të cilat janë me temperaturë, njëra ka lind mbrëmë. Sot ia kemi marrë testin të katër pacienteve, po presim në orën 22:00 rezultatin. Mirëpo, në Gjinekologji nuk kemi paciente që është duke u trajtuar më Covid 19".