Katër të lënduar si pasojë e një vetaksidenti në Batllavë të Podujevës

Katër persona kanë mbetur të lënduar si pasojë e një vetaksidenti në Batllavë të Podujevës. Rastin për Klankosova.tv e konfirmoi zëdhënësi i policisë për rajonin e Prishtinës, Agron Borovci. “Rreth orës 10:15,  është pranuar informata për një vetaksident trafiku rrugor të ndodhur në fshatin Batllavë të Podujevës. Deri më tani bëhet e ditur se në këtë vetaksident është përfshirë një  veture dhe për pasojë katër persona janë lënduar. Të njëjtit kanë kërkuar ndihmën mjekësore, ndërkaq janë dërguar në QKUK për trajtim të mëtejshëm”, thuhet në përgjigjen e Borovcit. Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij vetaksidenti.