Katër të shëruar dhe tetë raste të reja me COVID-19 në Malishevë

Sot në territorin e Komunës së Malishevës, janë shëruar 4 persona të cilët kanë qenë të prekur me Covid-19, ndërsa janë regjistruar edhe 8 raste tjera.

Këto të dhëna janë konfirmuar nga Instituti Kombëtar i Shëndetësisë Publike të Kosovës, në komunikimin e rregullt me Komunën e Malishevës, përcjell Klan Kosova.

Rastet e regjistruar sot vijnë nga këto vendbanime: Në Malishevë 3 raste dhe nga 1 rast në Pllaqicë, Lladrovc, Llazicë, Bubavec dhe Damanek, ndërsa numri i rasteve aktive është 64.

Gjendja e përgjithshme me Covid-19 në Komunën e Malishevës, është kjo: Nga data 14 mars, e deri më sot, me Covid-19 janë regjistruar 353 persona, prej tyre 264 janë shëruar, 25 kanë vdekur ndërsa aktivë me Covid-19 janë edhe 64 persona.