Kaubojët besnikë: Al Gore në Amerikë, Rifat Latifi në Kosovë (FOTO)

Ish-zv/presidenti amerikan, Al Gore, është shfaqur sot me një kombinim interesant veshmbathjeje në funeralin e ish-sekretares së Shtetit, Madeleine Albright. Derisa kishte veshur një kostum të hirtë dhe në qafë mbante një kollare, mbathur kishte një palë çizmesh të kaubojve. 74-vjeçari që është besnik ndaj këtij kombinimi, që është i rrallë kohëve të fundit, e ka një koleg kauboj edhe në Kosovë. Është ministri i Shëndetësisë, Rifat Latifi, që mbase i ndikuar nga jetesa e gjatë në SHBA, vazhdon t’i mbajë këto lloj çizmesh, pavarësisht veshjes së kostumit. Veçse ky, për dallim nga Gore, në vend të kollares shpesh mban fluturë. Me këtë kombinim edhe 67-vjeçari shfaqet në zyrë, por edhe në studio televizive.