"Kërcënimi për ta vrarë...", kosovari i kapur në Morinë u dënua nga Lituania me 2 vjet burgim

Kosovari i dënuar me 2 vjet e 3 muaj burgim, nga autoritetet lituaneze, është kapur nga Policia e Shqipërisë, në pikën kufitare në Morinë. Sipas Policisë, personi që u kap është B.K., transmeton Klankosova.tv I njëjti ishte shpallur në kërkim ndërkombëtar nga Interpol Vilnius, Lituani, pasi Gjykata e kishte shpallur fajtor për veprën penale “Dëmtimi i papërfillshëm i shëndetit, kërcenimi për të vrarë ose për t’i shkaktuar një personi një dëmtim të rëndë shëndeti ose terrorizmi i një personi”. “Si rezultat i kontrolleve me përzgjedhje dhe i verifikimeve në hyrje/dalje, me objektiva goditjen e paligjshmërive në kufi, si dhe ndalimin e shtetasve të shpallur në kërkim, të cilët tentojnë të lëvizin ilegalisht për t’iu shmangur përgjegjësisë penale, shërbimet e Policisë Kufitare të Morinës, në bashkëpunim me shërbimet e DVP Kukës, kapën në hyrje të RSh-së dhe arrestuan me qëllim ekstradimin, shtetasin kosovar: Interpol Tirana, në bashkëpunim me homologët në Lituani, vijon procedurat për ekstradimin e 39-vjeçarit.” – thuhet në njoftim. /Klankosova.tv