Kërkimfalja për Ritën: Tri torte në vendlindje për një ditëlindje (VIDEO)

Pa asnjë dyshim, Rita Ora bashkë me Dua Lipën, janë dy ambasadoret më të mira që ka Kosova në botë. Aty ku politika nuk kreu punë, frenat e diplomacies i mori muzika e tyre dhe mburrja e tyre e vazhdueshme për prejardhjen nga Kosova. Megjithatë, Rita Ora zhgënjeu dy herë bashkëvendësit e saj. Një herë, kur u pa duke vallëzuar në skenë me flamur të Serbisë, gjatë një koncerti të saj në Kroaci. Pasi u bombardua nga sharjet dhe ofendimet, nëna e saj, Vera Ora, sqaroi se këngëtarja me famë botërore e kishte ngatërruar flamurin serb me atë kroat. E nuk do të shkonte shumë, kur Rita sërish të shndërrohej në shënjestër të sharjeve dhe fyerjeve. Kësaj radhe pas publikimit të një videoje me tenistin serb, Novak Gjokoviq, i cili njihet për nacionalizimin e tij dhe fushatën kundër Kosovës. Fotografitë morën dhenë dhe ofendimet e sharjet që shprehnin nervozizëm përveç zhgënjimit nuk ndaleshin. Pak orë më vonë ishte i ati i Ritës, Besnik Sahatçiu, ai i cili e publikoi një video ku shiheshin Rita Ora me bashkëshortin e saj, duke ndjekur finalen e Kupës së Botës në “Rugby”, duke pretenduar se fotografitë e publikuara nga i njëjti vend të cilat shfaqin Ritën bashkë me tenistin serb ishin montuar. E si kërkimfalje ndaj saj, më 26 nëntor të 2023-ës, të gjitha kokat e shtetit u kujdesën që ta nderonin Ritën në ditëlindjen e saj të 33-të, duke organizuar darka e pritje solemne. Edhe 100, Rita! https://youtu.be/mczKwWcCOqw