Në Prishtinë ka nisur festivali i filmit Pri Film Fest, ku gjatë ditëve në vijim do të ketë filma të shumtë për t'u parë.
Sot filmat nisin nga ora 17:00 dhe mbarojnë në 21:45, disa shfaqen në Kino "Armata" e disa në kino "Abc", njofton Klankosova.tv.
Edicioni i 14-të i “PriFest”-it mbahet nga 20 deri më 25 shtator 2022 dhe i dedikohet drejtoreshës së ndjerë, Vjosa Berisha.
Ndryshe PriFest shënon edicionin e 14-të këtë vit dhe për herë të parë do të mbahet pa drejtoreshën e festivalit Vjosa Berisha e cila vdiq më 23 qershor të këtij viti.
Koordinatorja e këtij festivali, Yllka Lota, për Klan Kosova, ka bërë të ditur se ky edicion i është kushtuar tërësisht Vjosës andaj edhe emrin e ka marrë “Vjosa Forever PriFest”.
Edhe filmat që do të garojnë për çmimet kryesore, gjithashtu është bërë e ditur se çmimi kryesor “Hyjnesha e Kuqe” do të mbajë emrin “Vjosa Berisha.
Derisa në fotografinë më poshtë është orari i filmave që do të shfaqen sot (e shtunë, 24 shtator):
●●●
NSHKRIMI NGA
NP
Editorial nga Klan Kosova — ndjek kulturë dhe zhvillimet e tjera kryesore të vendit.
