Teksa bota po mundohej të kthehej në normalitet nga situata e krijuar prej COVID-19, njerëzit kaluan shumë kohë në media sociale.
Të paktën, kjo është ajo që tregojnë të dhënat vjetore të Twitter.
Tweet-i më i “pëlqyer” i vitit 2021, sipas blogut zyrtar të faqes, ishte ai i Joe Biden, pasi ai u betua si presidenti i 46-të i Shteteve të Bashkuara të Amerikës më 20 janar të vitit 2021.
Tweet-i i tij ishte: “Është një ditë e re në Amerikë” i cili ka mbledhur mbi 4 milionë “pëlqime” deri më sot.
Tweet-i i dytë më i pëlqyer erdhi nga vetë llogaria zyrtare e Twitter.
"Përshëndetje të gjithëve". Postimi i bërë më 4 tetor, deri më tani ka 3.3 milionë “pëlqime”, shkruan Ndtv, transmeton Klankosova.tv.
Tjetra në listën e postimeve më të pëlqyera është një nga këngëtari dhe kompozitori koreano-jugor, Jungkook.
Këngëtari, i cila është anëtar i grupit shumë të njohur K-pop BTS, kishte postuar një selfie duke pozuar afër një shtrati.
Titulli përmbante vetëm një emoji fytyre duke u puthur.
Fotoja ka grumbulluar mbi 3.2 milionë “pëlqime” që nga postimi i saj më 25 janar.
I katërti në listë është një tjetër postim i lidhur me Joe Biden, këtë herë nga ish-presidenti amerikan Barack Obama.
Në Twitter thuhet: “Urime mikut tim, Presidentit Joe Biden! Kjo është koha juaj”.
Aty u shfaqën dy liderët që ecin krah për krah, me shpinën drejt kamerës.
Tweet-i, i shpërndarë më 20 janar, ka mbi 2.7 milionë “pëlqime”.
Tweet-i i pestë në listë ka gjithashtu një lidhje me zgjedhjet presidenciale në SHBA.
Tweet-i i pestë më i pëlqyer erdhi nga nënpresidentja amerikane Kamala Harris, e cila shkroi, "Gati për të shërbyer".
Tweet-i ka marrë mbi 2.2 milionë “pëlqime” që kur u publikua më 20 janar 2021.
Sipas të dhënave në Twitter, tëweet-i që është bërë më së shpeshti “retweet” i vitit 2021 ishte nga llogaria zyrtare e BTS, duke bërë thirrje për t'i dhënë fund racizmit.
Postimi është bërë “ritweet” mbi 1 milion herë që kur është shpërndarë më 30 mars.
Ndryshe, sa i përket “emoji-ve”, edhe ato janë bërë të pandashme në Twitter.
“Emoji” më i përdorur për vitin 2021 në këtë rrjet social, është ai duke qarë, ndërkaq në vendin e dytë është figura e cila qesh me lot.
/Klankosova.tv.
