Këtë javë hapet konkursi për drejtorë shkollash në Prishtinë që u vonua si pasojë e procedurave e grevës (VIDEO)

Konkursi për drejtorë dhe zëvendësdrejtorë të institucioneve arsimore në Prishtinë, hapet më së largu të enjten. Procesi do të nisë më disa ndryshime, e kandidatët do rekrutohen në disa faza me nga 10 pozita, njofton Klan Kosova. Fillimisht do procedohet me shkollat e mesme dhe çerdhet e më pas me shkollat fillore. Kandidatët do të pajisen me nga një udhëzues për orientim ku i kanë të sqaruara hapat nëpër të cilët do të kalojnë në rrugën drejtë pozitës. Po ashtu, edhe koha sa do intervistohen është zgjatur në më tepër se 1 orë, derisa i gjithë procesi do jetë i monitoruar mes tjerash edhe nga ambasada britanike. Megjithatë, prania ndërkombëtare sipas drejtuesit të "Ed Guard", Rinor Qehaja, nuk është garanci se procesi do shkojë në mënyrën më të mirë. Sipas Qehajës, për t'u inkurajuar kandidatët kredibilë, duhet të bëhet diferencim më i madh në pagat e drejtorëve nga ato të mësimdhënësve. Konkursi ishte planifikuar të hapet kohë më parë, por që përgatitjet, e më pas greva e kanë shtyrë afatin. https://www.youtube.com/watch?v=LRAv8c2Ovec