Këtë muaj hapet konkursi i ri për specializantë me UA të ri (VIDEO)

Konkursi i ri për shkollim specialistik pritet të hapet së shpejti, teksa ky proces do të bëhet bazuar me Udhëzimin e Ri Administrativ për specializime. Në fakt, ky akt juridik do të firmoset nga ministri Arben Vitia gjatë këtyre ditëve, raporton Klan Kosova. “Marsi do të jetë muaji ku do të hapen specializimet e reja”, tregon Merita Brovina, shefe e kabinetit të ministrit Vitia. E, me udhëzimin e ri administrativ ka kushtëzime për mjekët të cilët do ta përfundojnë këtë shkollim. Ata obligohen që të punojnë 5 vjet pas përfundimit të specializimit, si dhe për kaq vjet të shërbejnë në institucionin prej nga është marr edhe vendi për specializim. Numri i vendeve që do të hapen me këtë konkurs nuk dihet ende, por kuadrot deficitare janë me prioritet përfshirë këtu kapacitetet e mentorëve dhe infrastrukturës. Televizioni merr vesh se Klinika e Anestezionit me Mjekim Intensiv ka kërkuar rreth 30 vende për këtë profil deficitar, ajo e Neonatologjisë gjashtë vende, ku kjo e fundit nuk ka pasur specializime që gati 8 vjet. Gjithashtu edhe  njësitë tjera shëndetësore tashmë kanë bërë kërkesat dhe planifikimet varësisht nga  nevoja. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://youtu.be/mjr2vpRrXAs