Këto janë qarqet ku triumfoi PS-ja e PD-ja sipas Exit Pollit të Klan Kosova dhe Albanian Post

Rezultatet e Exit Poll-it të Klan Kosova dhe Albanian Post për zgjedhjet në Shqipëri janë duke u prezantuar aktualisht në Rubikon në Klan Kosova. Sipas këtyre rezultateve, PS ka marrë 51.8%, ndërsa Partia Demokratike e Sali Berishës  38%. Në bazë të rezultateve të Exit Poll-it të Klan Kosovës dhe Albanian Post, në Qarkun e Tiranës, Partia Socialiste ka fituar 47.7 për qind, apo 20 mandate, kurse Partia Demokratike ka marrë 30.1 për qind apo 12 mandate. Në Qarkun e Elbasanit, PS ka fituar bindshëm me 57 për qind apo nëntë mandate, teksa PD-ja ka marrë 35 për qind apo pesë mandate. Fitore të thellë PS-ja ka shënuar edhe në Qarkun e Beratit me 54 për qind apo pesë mandate, kurse PD-ja 29 për qind apo dy mandate. Në Qarkun Shkodër, PD-ja ka marrë 43.94 për qind apo pesë mandate, sipas Exit Poll-it të Klan Kosova dhe Albanian Post, ndërsa PS-ja fitoi 36.39 për qind, apo katër mandate. Partia Socialiste në Qarkun e Durrësit fitoi tetë mandate, dy më shumë se Partia Demokratike, teksa në Qarkun e Korçës PS e PD morën nga pesë mandate, transmeton Klankosova.tv. Në Qarkun Vlorë, PS triumfoi me mbi 51 për qind, ku ka marrë tetë mandate, teksa PD-ja mori katër, ndërsa në Qarkun Lezhë rezultati ishte i ngushtë, ku PD-ja fitoi katër mandate, ndërsa PS-ja tri. E, në Kukës, Partia Demokratike shënoi rezultat të thellë, ku fitoi me 63.8 për qind ku fitoi dy mandate, ndërsa PS-ja mori 33.4 për qind, apo një mandate. Kurse, në Gjirokastës, Partia Socialiste e Edi Ramës fitoi 59.2 për qind, apo tri mandate, ndërsa Partia Demokratike e Sali Berishës mori 36.4 për qind apo një mandat. Në Dibër, rezultati ishte i ngushtë, ku PS fitoi me 47.5 për qind apo 3 mandate, ndërsa PD-ja mori dy mandate apo 46.9 për qind. Ndërsa, në Fier PS-ja fitoi plot 10 mandate me 54.63 për qind, ndërsa PD-ja mori gjashtë mandate me 35.09 për qind. https://klankosova.tv/exit-polli-i-klan-kosova-dhe-albanian-post-ps-fiton-51-8-pd-38111/