Kevin Spacey u dërgua me urgjencë në spital për sulm të mundshëm në zemër

Krahu i Kevin Spaceyt u mpi këtë javë për rreth 8 sekonda, kështu që ai u dërgua me urgjencë në spital për një dyshim të sulmit të mundshëm në zemër. Aktori 64-vjeçar ishte në Uzbekistan në atë kohë për Festivalin Ndërkombëtar të Filmit në Tashkent. Pasi krahu i tij u mpi, ai kishte frikë se po përjetonte një urgjencë mjekësore dhe iu drejtua spitalit lokal, raporton TMZ, transmeton Klan Kosova. Ai "përfundoi mirë" dhe ishte në gjendje të merrte pjesë në festivalin e filmit po atë natë. Gjatë një fjalimi në festival, ai i tha audiencës se ngjarja "e bëri atë të vlerësonte jetën shumë më shumë". Spacey ka qenë jashtë vëmendjes për vite pasi u akuzua për sjellje të pahijshme seksuale, ndërsa në korrik 2023 u shpall i pafajshëm.