Kievi goditet nga një sulm 'masiv' rus

Një “sulm masiv” nga Rusia në kryeqytetin e Ukrainës ka vrarë të paktën katër persona dhe ka plagosur të paktën 27 të tjerë, thanë autoritetet ukrainase. Dronët goditën disa rajone gjatë natës, përfshirë Zaporizhzhian, ku të paktën 16 persona, përfshirë tre fëmijë, u plagosën, thanë autoritetet. Ministri i jashtëm i Ukrainës tha se qindra dronë dhe raketa ishin përdorur në sulmet e fundit rreth Ukrainës. Të shtunën, Presidenti i Ukrainës, Volodymyr Zelensky, paralajmëroi se Rusia nuk do të ndalet - prandaj po teston mbrojtjen ajrore evropiane me ndërhyrjet e fundit në disa vende që i përkasin aleancës ushtarake të NATO-s. “Putini nuk do të presë të përfundojë luftën e tij në Ukrainë. Ai do të hapë një drejtim tjetër. Askush nuk e di se ku. Ai e dëshiron këtë”, tha Zelensky. Ai foli disa orë përpara se breshëria e fundit ruse të fillonte të godiste qytetet ukrainase. Detajet ende nuk janë zbuluar./Klankosova.tv