Killer Mike flet për herë të parë pas arrestimit në Grammy

Killer Mike ka folur për herë të parë që nga arrestimi i tij pas ceremonisë Grammy 2024 ku fitoi tre çmime. Policia e akuzoi reperin për një sherr me një roje sigurie dhe ai tashmë është deklaruar për të shpjeguar se çfarë në të vërtetë ndodhi. "Mund të ishte edhe më keq. Por unë jam thjesht mirënjohës. Unë tregova që albumi është një rikthim në parimet festare dhe morale me të cilat jam rritur. Më duhet të them se do ta gjesh veten në një pozicion ku do të jesh vetëm ti dhe Zoti. Isha vetëm dhe thjesht isha mirënjohës që gjeta kohë për të falënderuar Zotin dhe për t'i vlerësuar bekimet që më ka dhënë. Pas disa orësh shkova në festë dhe u argëtova. U gëzova që i kisha shfrytëzuar ato tre orë për të qenë mirënjohës ndaj Zotit, për të qenë i qetë dhe për të medituar, sepse të nesërmen në mëngjes më telefonuan se fëmija im, pasi ishte në listë për tre vjet, më në fund po bëhej me veshkë. Jo vetëm që fitova, por jam mirënjohës që Zoti më tregoi brenda 24 orëve se ka diçka më të rëndësishme se edhe vlerësimet për të cilat keni punuar. Dhe kjo është familja ime dhe fëmija im dhe unë jam thjesht mirënjohës. Unë e falënderoj atë", tha reperi duke treguar se kështu i kaloi orët pasi u arrestua.