Kina hap urën më të gjatë në botë mbi det

Presidenti i Kinës, Xi Jinping ka bërë hapjen zyrtare të urës më të gjatë mbi det, ndërtimet e së cilës kanë filluar nën vjet më parë. Përfshirë edhe rrugët anësore, ura ka një gjatësi prej 55 kilometrave dhe lidh Hong Kong-un me Macau dhe më pas qytetin Zhuhai, shkruan BBC, përcjell Klan Kosova. Kjo urë raportohet se ka kushtuar 20 miliardë dollarë. Projekti për ndërtimin e saj ka pasur disa ndërprerje dhe në të siç njoftohet zyrtarisht kanë vdekur 18 punëtorë. Presidenti Xi ka ndjekur ceremoninë e hapjes së urës që u zhvillua në Zhuhai ku kanë marrë pjesë edhe liderët e Hong Kong dhe Macau këtë të martë. Kjo urë zyrtarisht për trafik do të hapet të mërkurën.