Kipchoge triumfon në maratonën e Berlinit, vendos rekord të ri

Kampioni olimpik kenian Eliud Kipchoge vendosi një rekord të ri botëror të maratonës, duke fituar garën në Berlin në 2 orë, 1 minutë dhe 39 sekonda. Kipchoge përfundoi garën duke vendosur rekord të ri botëror që do të mbahet mend për dekada dhe tashmë ai do të njihet si maratonisti më i madh i të gjitha kohërave. 33 vjeçari, shkatërroi rekordin e mëparshëm botëror për më shumë se një minutë, një përmirësim që nuk shihej në pesë dekada, shkruan CNN, transmeton Klan Kosova. "Mua më mungojnë fjalët për të përshkruar se si ndihem. Ishte vërtet e vështirë, por unë isha me të vërtetë i përgatitur për të drejtuar garën time. Duhej të përqendrohesha në punën që kisha vënë në Kenia dhe kjo është ajo që më ndihmoi", tha Kipchoge Kipchoge ka fituar 10 nga 11 maratonat në të cilat kishte garuar. E vetmja garë që nuk fitoi ishte pikërisht  në Berlin pesë vite më parë.