Kjo është koha ideale e ditës për ta matur peshën

Nëse jeni duke planifikuar ose jeni tashmë në procesin e humbjes së peshës, ndoshta ju intereson kur peshore tregon rezultatet më të sakta të përparimit tuaj. Peshimi ndihmon në gjurmimin e procesit të humbjes së peshës, por zgjedhja e kohës së duhur për të peshuar veten mund të ndihmojë në gjurmimin më të saktë të përparimit, si dhe në ruajtjen e motivimit. Koha më e mirë për t’u peshuar Shumica e ekspertëve të shëndetit pajtohen se mëngjesi është koha më e mirë për të peshuar veten. Hyni në peshore menjëherë pasi të keni kryer rutinën tuaj të higjienës në mëngjes, përpara se të hani ose pini ndonjë gjë. Sipas klinikës së Cleveland, mëngjesi është ideal sepse trupi ynë tret të gjithë ushqimin dhe pijet e konsumuara një ditë më parë gjatë natës. Nëse peshoni para gjumit, peshore ka të ngjarë të tregojë një numër më të lartë për shkak të marrjes së lëngjeve ose kripës gjatë ditës, shkruan Yahoo Life, transmeton Klankosova.tv. Sa shpesh duhet ta peshojmë veten? Peshimi i shumëfishtë gjatë ditës nuk rekomandohet. Një studim nga International Journal of Behavioral Nutrition and Physical Activity zbuloi se peshimi një herë në ditë lidhet me adoptimin më të madh të zakoneve të kontrollit të peshës dhe humbje më të mirë të peshës. Megjithatë, nëse peshimi i përditshëm ju shqetëson, bëjeni një herë në javë. Është më mirë të peshoni veten gjithmonë në të njëjtën ditë dhe ekspertët rekomandojnë të premten si zgjedhjen ideale, sepse priremi të ndjekim një regjim më shpesh gjatë javës. Ne relaksohemi më shumë gjatë fundjavave dhe i lejojmë vetes disa ushqime që nuk do ta hanim gjatë javës, gjë që mund të ndikojë në rezultatet e peshimit të së hënës. Si ta peshoni saktë veten? Peshoni veten në mëngjes pas përdorimit të banjës, në një sipërfaqe të sheshtë dhe të fortë si p.sh. Hiqni veshjet shtesë për rezultate më të sakta dhe shpërndani peshën tuaj në mënyrë të barabartë në të dyja këmbët, shkruan Index.hr. Numri në peshore nuk është treguesi i vetëm i progresit. Numri në peshore nuk do të pasqyrojë kurrë plotësisht përpjekjen që bëni për t'u bërë një person më i shëndetshëm.