Koha më e mirë e ditës për të bërë dush nuk është mëngjesi

Është zbuluar koha optimale për dush - dhe nuk është në mëngjes. Ndërsa shumica prej nesh pëlqejnë të zgjohen me ujë freskues çdo mëngjes, mund të mos jetë më e mira për shëndetin afatgjatë të lëkurës. Një studim i kryer nga marka suedeze e bukurisë dhe mirëqenies Foreo në partneritet me YouGov, ka zbuluar se zakonet e dushit në Mbretërinë e Bashkuar kanë një ndikim në mirëqenien e tyre dermatologjike. Sipas studimit, 61 për qind e britanikëve preferojnë të bëjnë dush në mëngjes, sesa pas punës. Por dermatologu Simon Zokai thotë se kjo është koha më pak e dobishme për të larë trupin. Në fakt, një dush në mbrëmje ka një avantazh më të madh se sa ai i mëngjesit. Kjo për faktin se ndihmon në largimin e akumulimit të papastërtive që është krijuar në lëkurë gjatë gjithë ditës, transmeton Klankosova.tv. Duke komentuar gjetjet, Boris Raspudic, menaxher i përgjithshëm i FOREO tha: “Është një argument me disa përkrahës shumë të zëshëm nga të dyja palët, por, kur bëhet fjalë për kujdesin e lëkurës, dushi në mbrëmje është me të vërtetë alternativa më e mirë, pasi ndihmon në heqjen e të gjithave, makijazhi, vaji, papastërtitë dhe ndotësit që janë grumbulluar gjatë ditës”. “Ndërsa dushi në mëngjes mund t’ju ndihmojë të zgjoheni dhe t’ju sigurojë kohën shumë të nevojshme për të planifikuar ditën tuaj, përfitimet për lëkurën tuaj reduktohen shumë. Nëse duhet të bëni dush në mëngjes, ndërtimi i një dushi të shpejtë në mbrëmje do të ndihmojë ndjeshëm shëndetin e lëkurës tuaj”.