KOK-u publikon skitarët pjesëmarrës në Festivalin Olimpik Dimëror (VIDEO)

Kiana Kryeziu, Alba Pupovci dhe Drin Kokaj janë skitarët që do të marrin pjesë në Festivalin Olimpik Dimëror për të rinj “Vuokatti 2022”. Këtë e bëri të ditur Komiteti Olimpik i Kosovës, në një konferencë për media, të premten. Skitarja Kryeziu shprehet e nderuar që është zgjedhur sërish përfaqësuese e Kosovës, derisa u bën thirrje vajzave që të ndjekin ëndrrat e tyre. Presidenti i KOK-ut, Ismet Krasniqi, u shpreh i kënaqur me të arriturat e deritanishme të ekipit të skitarëve. Rezultate të mira nga ekipi kosovar pret edhe kryetari i Federatës Skitare të Kosovës, Milaim Kelmendi, kurse trajnuesi i skitarëve, Agim Pupovci, pret prezantim të mirë në Finlandë. Festivali Olimpik Dimëror do të fillojë më 20 mars dhe do të përfundojë më 25 të po këtij muaji, derisa ekipi olimpik i Kosovës do të marrë pjesë për herë të tretë në këto gara. https://www.youtube.com/watch?v=1GgECz0SFj4&t=4s