Kryetari i komisionit për Arsim, Ardian Gola, qe i vetmi që pas më shumë se dy orësh diskutime dha një propozim për ndërprerjen e grevës në arsim.
Ky sugjeroi që mësimdhënësit të fillojnë mbajtjen e procesit mësimor, por mos t’i notojnë nxënësit deri në një marrëveshje.
Sugjerime tha që pati edhe një deputet tjetër i Lëvizjes Vetëvendosje, jo anëtar i komisionit, që pikërisht për këtë arsye thotë se nuk u lejua të flasë.
Eman Rrahmani, që nuk ishte i vetmi deputet i LVV-së që ishte aty si dëgjues, u hatrua për këtë andaj u përplas me bashkëpartiakun.
Propozimet e tij mbase do u pëlqenin, por për këtë të Golës nuk u treguan aq optimistë përfaqësuesit e Sindikatës së Arsimit të cilëve iu mungonte kryesindikalisti Rrahman Jasharaj.
Por, të paarsyeshme për ministrin e Financave, Hekuran Murati, ishin kërkesat e sindikatës karshi qeverisë të cilat, sipas tij, u ndryshuan tashmë. Kjo mbase e shtyu që sindikalistët edhe t’i quajë ‘politikë’ dhe ‘me problem me ligjin’.
E me këto çështje nuk u mor fare ministrja e Arsimit Arbërie Nagavci, veçse kërkoi kthimin e më shumë se 300 mijë nxënësve në shkolla.
https://www.youtube.com/watch?v=qXlB_xXl2U0
●●●
LHSHKRIMI NGA
L H
Editorial nga Klan Kosova — ndjek video lajme dhe zhvillimet e tjera kryesore të vendit.
