Komuna nuk bën pagesën, kompania ndërpret punimet në varrezat e martirëve (VIDEO)

Ka disa muaj që në varrezat e martirëve në Kurshë të Vogël nuk është punuar asgjë. Sipas Arsim Shehut, 25 marsi ishte dita e fundit kur këtu u panë punëtorë të kompanisë përgjegjëse, e më pas s’u lëviz as edhe një gur i vetëm. Nga kompania përgjegjëse i thanë Klanit përmes telefonit se punët i kanë ndal si shkak që  komunarët nuk e kanë bërë pagesën e fundit prej 40 mijë euro të projektit, e që ia pamundëson vazhdimin tutje. Por, ndryshe thonë në drejtorinë gjegjëse në Prizren. “Për shkak të rritjes së çmimit, operatori ekonomik i cili ka qenë i kontraktuar për t’i kryer punimet e varrezave në Krushë të Vogël, ka kërkuar ndërprerje të kontratës (gjë që me ligj i takon), tani jemi në fazën përfundimtare të ndërprerjes së kontratës dhe fillimit të procedurave të reja”, thuhet në komunikatën e tyre. Megjithatë, operatori në fjalë bëri të ditur se në rast se ekzekutohen mjetet e fundit të projektit 186 mijë eurosh, punën e nisur në prill të 2021-ës, do e qojnë në fund. Në këto varreza gjejnë prehen 52 krushjanë, ndërsa 61 të tjerëve, vazhdojnë të jenë ende të zhdukur. https://www.youtube.com/watch?v=P6wXe42bMB0