Një konkurs bukurie në Venezuelë të shtunën u ofroi të rinjve që po konkurronin një shans për t'i shpëtuar përkohësisht realiteteve të vështira të përjetuara nga shumë në vend.
19 burra morën pjesë në konkursin Ndërkombëtar “Zotëri Bukuroshi Venezuela në Karakas", duke treguar aftësitë e tyre në kërcim dhe aftësi të tjera.
Konkursi këtë vit u ndoq nga disa media dhe të ftuar special pasi edicioni i vitit të kaluar u anulua për shkak të COVID-19.
Fitues u shpall Rafael Sanchez, përfaqësuesi i shtetit të Larës.
Një tjetër pjesëmarrës, Renzo Guaramato, foli për dashurinë e tij për modelingun.
“Nuk është e lehtë të bësh atë që të pëlqen, është pjesë e sakrificës, por kur mundesh, kur dëshiron, bën më të mirën”, tha Guaramato.
Ai kujtoi kohën që i duhej të udhëtonte me një kamion plehrash, pasi i mungonin paratë për të paguar transportin publik dhe ndonjëherë kishte mbetur i uritur.
"Por kjo nuk më pengoi të jem këtu. Ju e dini që mundi, përkushtimi dhe dashuria për modelingun janë më shumë se sfidat që kam pasur në rrugëtim", tha ai, raporton AP, transmeton Klankosova.tv.
Alirio Martinez, Presidenti i “Handsome Venezuela”, tha se pjesëmarrja dhe trajnimi që marrin të rinjtë ka katapultuar disa në botën e argëtimit.
"Kjo është si një trampolinë. Zotëri Bukuroshi është si një trampoline për të rinjtë. Është një shkollë, është një universitet ku ata mësojnë të zhvillohen në mjedisin artistik", tha Martinez./Klankosova.tv/.
https://www.youtube.com/watch?v=npYlRDsxpHI
●●●
SZSHKRIMI NGA
Sh Z
Editorial nga Klan Kosova — ndjek lifestyle dhe zhvillimet e tjera kryesore të vendit.
