Konsumimi i këtyre dy ushqimeve ndikon në mbrojtjen dhe shëndetin e trurit

Ushqimi i siguron trupit energji, proteina dhe fibra, por rëndësia e ushqimit në parandalimin dhe mbrojtjen nga sëmundjet po njihet dhe kuptohet gjithnjë e më shumë. Kur bëhet fjalë për shëndetin dhe mbrojtjen e trurit, konsumimi i ushqimeve të caktuara është më i mirë se të tjerat, dhe mejku Karan Rajan veçoi një kombinim ushqimesh që ai e quajti "një mbështetje e fuqishme për shëndetin e trurit". Dieta ndikon fuqishëm në nivelet e kolesterolit, sheqerit në gjak, presionit të gjakut dhe proceseve inflamatore, të cilat janë të gjitha faktorë që mund të çojnë në probleme serioze shëndetësore si ataku në zemër, sëmundjet e zemrës, sulmi në tru, demenca dhe kanceri. Si dy ushqime që duhen kombinuar, Rajan veçoi boronicat dhe arrat dhe shpjegoi: "Nëse hani boronica dhe arra së bashku, polifenolet nga boronicat e kombinuara me acidet yndyrore omega-3 nga arrat veprojnë si mbrojtje efektive e truri" Pse janë të mira për t’u ngrënë së bashku boronicat dhe arrat për shëndetin e trurit? Një studim i botuar në The American Journal of Clinical Nutrition thekson se, ndërsa përfitimet individuale të konsumimit të arrave dhe manave janë tashmë të njohura, hulumtimet e fundit sugjerojnë se "ka prova në rritje që bashkëveprimi i të gjithë lëndëve ushqyese dhe komponimeve bioaktive në arra dhe manaferra mund të ketë një efekt pozitiv në tru dhe në funksionin njohës", transmeton Klankosova.tv Studimi arriti në përfundimin se konsumi i rregullt i arrave, manave ose një kombinimi i këtyre ushqimeve mund të përdoret "si një qasje terapeutike shtesë në parandalimin dhe trajtimin e disa sëmundjeve neurodegjenerative dhe çrregullimeve të trurit që lidhen me moshën".