Konsumuan karamele që i gjetën në rrugë, përfundojnë në spital tre fëmijë në Korçë

Tre fëmijë të moshave 3 vjeç 7 dhe 10 vjeç janë dërguar nga familjarët në Pediatrinë e Spitalit të Korçës, për të marrë ndihmë mjekësore. Policia e Shqipërisë përmes një njoftimi bën të ditur se sipas deklarimeve të familjarëve, dyshohet se fëmijët kanë konsumuar disa karamele, të cilat i kanë gjetur në rrugë, pranë një koshi mbeturinash, shkruan A2CNN, transmeton Klankosova.tv. Kjo sipas familjarëve ka sjellë shqetësime shëndetësore te të miturit. Ndërkohë grupi hetimor po punon për zbardhjen e rrethanave të ngjarjes.